Новото FPL коло носи неколку интересни дилеми, особено по првите две рунди во кои веќе почнаа да се издвојуваат играчите што ја отворија сезоната во одлична форма, но и оние кај кои почетната доверба полека исчезнува. Распоредот дополнително ја менува сликата, па вистинскиот трансфер во овој период може да направи сериозна разлика.
FPL Контра Фаул — Преглед по категории (GW3)
| Категорија | Играч | Тим | Цена | Форма | Клучна логика |
|---|---|---|---|---|---|
| Купи | Рајан Черки | Манчестер Сити | £7.7m | 11.0 | Одлична форма |
| Задржи | Доминик Собослај | Ливерпул | £7.0m | 6.0 | Главна карика во тимот |
| Продај | Доминик Калверт-Луин | Лидс | £6.0m | 4.5 | Неубедлив старт на сезоната |
| Избегни | Луис Хол | Њукасл | £5.1m | 7.0 | Дефанзивен притисок |
Играч што треба да се купи: Рајан Черки (Манчестер Сити)
Черки ја започна сезоната на фантастичен начин, со два гола и две асистенции во првите две кола, а неговиот придонес беше еден од клучните фактори за максималните шест бода на Манчестер Сити.
Во следното коло Сити го пречекува Ковентри, по што следува градското дерби против Манчестер Јунајтед. Два натпревари во кои Черки повторно би требало да има важна улога во офанзивата. Со формата во која се наоѓа и цената која сè уште е прифатлива, Французинот во моментов изгледа како еден од најинтересните избори за средниот ред.
Черки има форма од 11 поени и неговата цена изнесува 7.7 милиони.
Играч што треба да се задржи: Доминик Собослај (Ливерпул)
Ливерпул во првите две кола мораше да брка негатива и на крајот освои само два бода, па разбирливо е што дел од ФПЛ играчите веќе ја губат довербата во фудбалерите.
Сепак, Собослај е еден од ретките на кои вреди да им се даде уште време. Унгарецот повторно е меѓу најдобрите поединци во тимот, а неговата вклученост во офанзивната игра остава простор за нови поени. Доколку веќе го имате во тимот, ова не е момент за избрзана продажба.
Собослај има форма од 6 поени и неговата цена изнесува 7.0 милиони.
Играч што треба да се продаде: Доминик Калверт-Луин (Лидс)
Иако Калверт-Луин постигна гол на претходниот натпревар против Брентфорд, неговото целокупно издание не понуди доволно причини за поголем оптимизам.
Дополнителен проблем е распоредот на Лидс, кој во следните три кола носи сериозни предизвици. Во период кога има повеќе интересни опции во нападот, тешко е да се оправда задржувањето на Калверт-Луин. Неговиот последен погодок може дури да биде добра можност за продажба, наместо причина да остане во тимот.
Калверт-Луин има форма од 4.5 поени и неговата цена изнесува 6.0 милиони.
Играч што треба да се избегне: Луис Хол (Њукасл)
Њукасл со победа и реми добро ја отвори сезоната и одговори на дел од критиките кои го следеа тимот пред почетокот на првенството. Сепак, резултатите не ја кажуваат целата приказна – на двата натпревари противниците успеаја да создадат голем број шанси пред нивниот гол.
Хол индивидуално игра одлично и токму затоа може да изгледа како привлечна опција. Но кога дефанзивната линија е под толкав притисок, потенцијалот за бодови од зачувана мрежа значително се намалува. Не станува збор за играч кој мора долгорочно да се избегнува, туку за трансфер кој во ова коло може да почека.
Хол има форма од 7 поени и неговата цена изнесува 5.1 милиони.
Избор за капитен: Халанд, Бруно или Черки?
Најдобра опција – Ерлинг Халанд
Манчестер Сити игра против Ковентри, а тоа изгледа како одлична можност Халанд дополнително да го подобри својот голгетерски ефект. Сити е во добар моментум, противникот дозволува да се очекува офанзивен натпревар, а Норвежанецот останува главната завршна точка на нападите.
Од трите понудени опции, Халанд е најсигурниот избор за капитенската лента.
Добра алтернатива – Бруно Фернандеш
Бруно одигра фантастичен натпревар против Ипсвич и колото го заврши со неверојатни 23 поени. Неговата улога во Манчестер Јунајтед е толку голема што практично секое коло мора да биде разгледуван како потенцијален капитен.
Овојпат Јунајтед гостува кај незгодниот Евертон, што го прави изборот нешто поризичен во споредба со Халанд. Сепак, со оглед на формата и влијанието што Бруно го има врз офанзивната игра, останува одлична алтернатива.
Ризична опција – Рајан Черки
Черки веќе го издвоивме како еден од најинтересните играчи за купување, а натпреварот против Ковентри му дава потенцијал веднаш да го оправда тој избор.
Два гола и две асистенции во првите две кола доволно зборуваат за неговата моментална форма. Сепак, кога конкуренти за капитенската лента се Халанд и Бруно, Черки останува на третото место. Поризичен избор, но и интересна опција за оние кои сакаат да направат разлика во однос на останатите ФПЛ играчи.